Gerard Houllier

Gerard er að sjálfsögðu ánægður með að ná markmiðum sínum fyrir nýliðna leiktíð. Tímabilið fór hins vegar fram úr væntingum sem voru miklar en þrír bikarar hljóta að hafa komið Houllier sjálfum skemmtilega á óvart. Gerard á svo sannarlega skilið að vera kjörinn framkvæmdastjóri ársins í Englandi. En þetta er búið að vera erfitt tímabil: "Ég held að strákarnir þarfnist hvíldar. Þeir eru þreyttir og ég er líka þreyttur. Það var ótrúlegt afrek að komast í þrjá úrslitaleiki og vinna þá alla. En nú er kominn tími til að fagna. Við frestuðum hátíðahöldunum tvívegis en nú er rétti tíminn til að fagna því markmiðinu hefur verið náð. Markmiðið sem við settum okkur fyrir leiktíðina var að hafna í einu af þremur efstu sætunum. Það tókst og ég er mjög hamingjusamur með hvernig til tókst.

Besta minning leiktíðarinnar er hinn frábæri liðsandi sem ríkir innan félagsins. Þessi liðsandi fleytti liðinu yfir erfiða hjalla því oft voru leikmenn liðsins þreyttir enda leikjadagskráin oft á tíðum þétt skipuð. Liðið styrktist við hverja raun eftir því sem leið á leiktíðina. Ekki bara líkamlega heldur líka andlega. Liðið réði við að lenda marki undir gegn Arsenal og fá á sig jöfnunarmark á lokamínútunum gegn Alaves. Liðið einfaldlega gafst aldrei upp. Leikmannahópurinn er sterkur og það sem vantar upp á í getu bættu menn upp með sigurvilja. Liðið er ungt og er enn að bæta sig. Fyrir um það bil ári síðan sagði ég að allt sem við þyrftum væri tími til að öðlast meiri reynslu. Það hefur þokast í rétta átt enda hafa allir lagt hart að sér. En verkefninu er ekki lokið og á næstu tveimur til þremur árum á liðið eftir að verða enn betra."