Liverpoolklúbburinn á Íslandi var stofnaður 26. mars 1994 á Ölveri. Meðlimir voru 30 talsins í upphafi en nú eru um 2100 virkir félagar í klúbbnum.
Við gefum út 4 fréttabréf yfir tímabilið á Englandi, hvert blað 40-48 bls. í A-4 broti og allt í lit. Blaðið samanstendur af einkaviðtölum sem og þýddum viðtölum við leikmenn, ferðasögum, sagnfræði og naflaskoðun á gengi liðsins hverju sinni.
Hér er efni úr ýmsum áttum. Til dæmis frábær veggfóður (e. wallpapers) frá Sigga Reynis
)
Emile Heskey
Það hlaut að koma að því fyrr eða síðar. Lítill fugl hvíslaði því í eyra þess sem þetta skrifar að nú myndi Emile byrja að skora og skora og skora… Þetta gerðist fyrir Leicester-leikinn áður en hann skoraði sigurmarkið. Þessum skilaboðum var komið áfram til vantrúaðra sem sumir hváðu, en allir vonuðust til að þetta myndi rætast. Nú leitar ákveðinn maður í Ölveri miskabóta eftir líkamsárás þá sem fylgdi í kjölfar þess að hann var svo óheppinn að honum var sagður af undirrituðum þessi mikli "leyndardómur" í þann mund sem Emile skoraði gegn Leeds. Heskey er ekki hættur að skora í bili. Það fullyrði ég…..
Gefum stóra jötninum orðið: "Mark mitt gegn Leicester blés mér byr í brjóst og það var frábært að skora tvö mörk gegn Leeds. Ég hef verið ánægður með frammistöðu mína á þessu tímabili. Leikmennirnir og þjálfaraliðið hafa staðið þéttingsfast við bakið á mér og ég hef endurgoldið þeim traustið í síðustu tveimur leikjum."