Liverpoolklúbburinn á Íslandi var stofnaður 26. mars 1994 á Ölveri. Meðlimir voru 30 talsins í upphafi en nú eru um 2100 virkir félagar í klúbbnum.
Við gefum út 4 fréttabréf yfir tímabilið á Englandi, hvert blað 40-48 bls. í A-4 broti og allt í lit. Blaðið samanstendur af einkaviðtölum sem og þýddum viðtölum við leikmenn, ferðasögum, sagnfræði og naflaskoðun á gengi liðsins hverju sinni.
Hér er efni úr ýmsum áttum. Til dæmis frábær veggfóður (e. wallpapers) frá Sigga Reynis
)
El Hadji Diouf
Raðmorðinginn eins og hann er kallaður í heimalandi sínu er byrjaður að raða inn mörkum. Þessi 21 árs strákur gat ekki byrjað betur á Anfield. Það tók hann aðeins 4 mínútur að að gera allt vitlaust í Kop. Anelka who?, spyrja nú allir. Hann er öllum gleymdur og Púllarar hafa breitt út faðminn á móti Diouf. Mörkin hans gegn Southampton minntu á náunga að nafni Ian Rush. Á síðastliðum tímabilum hefur okkur vantað leikmann sem hirðir upp leifarnar og skorar af stuttu færi. Hann er einnig gríðarlega skapandi og hrein unun að fylgjast með töfrabrögðum hans.
Ummæli hans í fjölmiðlum hafa líka gefið skemmtilega mynd af hugarfari hans. Ekki má gleyma stórkostlegri athugasemd um að hann hélt að Sammy Lee væri að tala þýsku, svo illmögulegt var að skilja mállýskuna hans. Hann segist aldrei gefast upp rétt eins og uppáhaldsliðið hans síðan í æsku. Hann segist ekki óttast samkeppni, annars hefði hann ekkert að gera í svona stórum klúbbi. El Hadji Diouf er kominn til að vera í framlínu Liverpool um ókomin ár.