Verður Lucas lengi frá?

Lucas Leiva fór af velli í gær gegn Manchester City eftir aðeins fimm mínútur. Nú er óttast að hann verði kannski drjúgan tíma frá vegna meiðslanna. Brasilíumaðurinn meiddist á læri og er jafnvel talið að hann hafi rifið vöðva. Hafi sú orðið raunin verður hann frá í allt að tvo mánuði ef allt fer á versta veg. Það góða er að þessi meiðsli eru ekkert tengd hnjámeiðslunum sem Lucas varð fyrir í nóvember á síðasta ári og héldu honum frá keppni þar til í sumar. 

Tekið skal fram að ekkert hefur verið staðfest um meiðslin úr herbúðum Liverpool en von er að fréttum þaðan á morgun.