Emre á eftir að koma til

Emre Can stóð sig vel í tapleiknum á móti Chelsea um helgina. Hann hefur lítið komið við sögu það sem af er leiktíðar en Brendan Rodgers telur að hann eigi eftir að koma til.

,,Hann er stór og sterkur strákur sem er í raun bara núna að komast aftur í gott form. Hann stóð sig mjög vel í leiknum og sýndi kraft og úthald. Hann getur skotið langskotum og skoraði gott mark."

,,Hann er ungur leikmaður sem er að taka góðum framförum og ég er viss um að hann á eftir að verða mjög góður leikmaður á næstu tveimur árum eða svo. Hann er auðvitað ennþá mjög ungur enda aðeins tvítugur."

Það er eins gott að Emre Can eigi eftir að reynast góður því alltof of margir af þeim ungu leikmönnum sem Liverpool hefur keypt síðustu árin hafa ekki staðið undir væntingum. Emre er ekki búinn að koma mikið við sögu á leiktíðinni enda búinn að vera lengi meiddur en hann á vonandi eftir að láta til sín taka. Hann stóð að minnsta kosti fyrir sínu í Madríd og eins á móti Chelsea.