| Grétar Magnússon

Árshátíð Liverpoolklúbbsins - Miðasala

Hin margrómaða árshátíð Liverpoolklúbbsins á Íslandi verður haldin laugardaginn 14. mars næstkomandi.

Ekki þarf að kynna þennan stærsta viðburð klúbbsins sem haldin er ár hvert en það er þó alltaf ástæða til að kynna heiðursgestinn sérstaklega.

Að þessu sinni heiðrar John Barnes okkur með veru sinni á árshátíðinni. Hann er langflestum knattspyrnuáhugamönnum kunnur en þó gætu einhverjir af yngri kynslóð stuðningsmanna ekki munað eftir Barnes, sem lék með liðinu á árunum 1987-1997.

Hann spilaði alls 407 leiki fyrir félagið og skoraði í þeim 108 mörk. Ekki skorti titlana með félaginu heldur en hann var deildarmeistari með liðinu tímabilin 1987-88 og 1989-90, FA Bikarinn vann hann árið 1989 (árið 1992 spilaði hann ekki úrslitaleikinn vegna meiðsla) og Deildarbikarinn árið 1995. Hann var valinn knattspyrnumaður ársins árin 1988 og 1990 og sömuleiðis völdu ensku leikmannasamtökin hann leikmann ársins árið 1988.

Hægt er að lesa nánar um feril John Barnes á liverpool.is hér

Einnig er lfchistory.net með umfjöllun um Barnes hér.


Upplýsingar um árshátíðina:

Miðaverð í ár er kr. 9.900.

Þú getur pantað miða með því að senda tölvupóst á arshatid@liverpool.is. Tilgreinir nafn, símanúmer, fjölda miða og hvort þú vilt borga með millifærslu eða kreditkorti.

Dagsetning: 14. mars 2015.

Staður: Spot í Kópavogi, heimavöllur okkar.

Heiðursgestir: John Barnes & Ragnhild Lund Ansnes

Uppistand frá Sögu Garðarsdóttur

Matseðill: Forréttur - Steikarhlaðborð.

Húsið opnar kl. 19:00. Borðhald hefst. 19:45.

Þetta er viðburður sem hreinlega er ekki hægt að láta fram hjá sér fara !





TIL BAKA
Nýlegar fréttir
Fleiri fréttir
Fréttageymslan