| Mummi

Hver er þessi Ragnhild?

Ragnhild Lund Ansnes sem verður í för með John Barnes á Íslandi er ekki mörgum Íslendingum að góðu kunn en hefur gefið sér gott orð í Noregi og ekki síður í Liverpool. 

Áhuginn á Liverpool FC heltók hana það mikið árið 2005 að hún sagði upp starfi sínu sem dagskrárgerðarmaður á NRK, norska ríkissjónvarpinu, og hefur nú skrifað tvær stórmerkilegar Liverpoolbækur: Liverpool Hearts um hvað það er sem vekur áhuga manna á félaginu og Liverpool Heroes sem er hjartnæm svipmynd af helstu stjörnum Liverpool og sú þriðja er á leiðinni sem fjallar um forystuhæfileika þeirra sem hafa leitt lið Liverpool. 

Ragnhild er mikill dugnaðarforkur og fyrir utan að vera fyrirlesari og halda úti dagskrá víðs vegar með goðsögnum Liverpool hefur hún rifið upp áhuga kvenmanna á félaginu í Noregi og mætti með 50 rauðklæddar konur á Anfield á síðasta ári sem vakti mikla athygli. 

Hvað mun Ragnhild gera annað en að njóta gestrisni Íslendinga? Jú, meginástæðan fyrir dvöl hennar hér er að hún sér um alla þá dagskrá sem snýr að John Barnes á sjálfri árshátíðinni. Hún verður uppá sviði með goðinu og fylgir honum í gegnum glæstan feril hans. 

Ragnhild hefur áhuga á því að koma með nokkur eintök af norsku Liverpoolhjerter með sér til Íslands og kostar hvert eintak 5200 kr.  Að sjálfsögðu árituð af höfundinum fyrir viðkomandi. 

Ef þú vilt tryggja þér eintak þá er best að senda tölvupóst á mummi@liverpool.is og við verðum í sambandi.


TIL BAKA
Nýlegar fréttir
Fleiri fréttir
Fréttageymslan