Dejan leikfær á nýjan leik

Dejan Lovren er nú leikfær á nýjan leik eftir að hafa misst af leiknum á móti Leicester City um helgina. Hann missti af leiknum á móti meisturuum vegna þess að á æfingu lenti hann í hörðum árekstri við félaga sinn með þeim afleiðingum að annað auga hans sökk í bólgu. Bólgan hefur nú hjaðnað og Króatinn er tilbúinn í slaginn á móti Chelsea á föstudagskvöldið.

Það verður gott að fá Dejan aftur til leiks og nú er spurning hvernig vörninni verður stillt upp á móti Chelsea. Joel Matip og Lucas Leiva voru miðverðir á móti Leicester.