| Sf. Gutt

Spáð í spilin


Liverpool v. Leeds United

Um langt árabil hefði leikur Liverpool og Leeds Untied verið talinn algjör stórleikur. Leikurinn í kvöld er það vissulega þó svo að Leeds sé ekki lengur í efstu deild. Liðið sem hefur betur fær nefnilega sæti í undanúrslitum í Deildarbikarnum og það er því til mikils að vinna!

Leeds United spilar í næst efstu deild og hefur átt erfitt uppdráttar eftir að liðið missti sæti sitt í efstu deild. Fjölmargir framkvæmdastjórar hafa reynt sig síðustu árin við að rétta þetta mikla félag við en ekkert hefur gengið. Það hafa þó verið batamerki síðustu vikurnar eftir að Gary Monk, sem var framkvæmdastjóri Swansea City, tók við liðinu. 


Jürgen Klopp mun örugglega gerar margar breytingar á liði Liverpool frá því í sigrinum á Sunderland á laugardaginn. Svo eru meiðsli í liðshópnum. Philippe Coutinho er auðvitað úr leik næstu vikurnar og Roberto Firmino var líka laskaður eftir leikinn. Adam Lallana hefur misst af síðustu leikjum og Daniel Sturridge var ekki í liðshópnum á móti Sunderland. Jürgen hefði örugglega gert brytingar og varla verða þær færri út af þessum meiðslum. Ungir leikmenn hafa komið við sögu það sem af er í Deildarbikarnum og sú verður örugglega raunin. Samt verður að hafa liðið nógu sterkt svo að Liverpool haldi áfram í keppninni. 


Liverpool vinnur þennan leik 2:0 en það þarf að hafa fyrir sigrinum. Divock Origi, sem hefur verið duglegur að skora í keppninni hingað til, skorar bæði mörkin og kemur Liverpool áfram í undanúrslit. Annað dugar ekki!

YNWA







 
TIL BAKA
Nýlegar fréttir
Fleiri fréttir
Fréttageymslan