| Sf. Gutt

Nýtt félagsmet!


Benjamin Woodburn skráði sig heldur betur á spjöld sögunnar hjá Liverpool Football Club í kvöld. Hann er nú yngsti markaskorari í sögu félagins! 


Ben Woodburn var í dag 17 ára og 45 daga gamall þegar hann skoraði seinna mark Liverpool í 2:0 sigri á Leeds United. Michael Owen átti gamla metið en hann var 17 ára og 143 daga gamall þegar hann skoraði í 2:1 tapleik á móti Wimbledon í London vorið 1997. Michael skoraði markið í sínum fyrsta leik.

Það fer ekki á milli mála að þetta nýja félagsmet er magnað og það verður gaman að fylgjast með þessum efnilega Veilsverja á komandi árum. Hvað sem úr verður þá verður markið í kvöld ekki af honum tekið!

 
TIL BAKA
Nýlegar fréttir
Fleiri fréttir
Fréttageymslan