Andre Wisdom á förum

Liverpool Echo greinir frá því í dag að Andre Wisdom sé á förum frá Liverpool. Talið er að Liverpool og Derby County hafi náð samkomulagi um vistaskipti varnarmannsins. Kaupverð gæti verið um tvær milljónir sterlingspunda með árangursbundnum hækkunum upp í rúmlega fjórar segir í grein Echo. 

Andre hefur að mestu verið á láni frá því 2013 nú síðast hjá Red Bull Salzburg í Austurríki. Salzburg vann bæði deild og bikar á nýliðinni leiktíð. 

Andre þekkir sig vel hjá Derby en hann var þar í láni leiktíðini 2013/14. Hann var svo í láni hjá West Bromwich Albion næstu leiktíð og loks Norwich City. 

Ekkert hefur verið staðfest um vistaskiptin en líklega verður þess ekki langt að bíða.