| Sf. Gutt

Mohamed Salah á leið til Liverpool

Mohamed Salah er á leiðinni til Liverpool samkvæmt fréttum áreiðanlegustu fjölmiðla Englands. Bæði Liverpool Echo og BBC greina frá því í kvöld að allt útlit sé á að Egyptinn verði leikmaður Liverpool á næstu dögum.

Talið er að Mohamed verði dýrasti leikmaður í sögu Liverpool. Kaupverðið gæti farið upp í 39 milljónir sterlingspunda. Andy Carroll er dýrasti leikmaður Liverpool hingað til en hann kostaði 35 milljónir.

Liverpool á að hafa boðið 28 milljónir í Mohamed fyrir nokkru en því tilboði var hafnað af forráðamönnum Roma. Viðræður hafa verið í gangi síðan og nú virðist samkomulag vera í augnsýn.

Liverpool reyndi að kaup framherjann árið 2014 en hann fór þá til Chelsea frá Basel. Hann komst aldrei í gang þar en vel gekk í láni hjá Fiorentina og svo Roma. Hann var svo seldur til Roma og lék sérlega vel á nýliðinni sparktíð. 

Ekkert hefur verið staðfest opinberlega um sölu Mohamed Salah en málið skýrist væntanlega fljótlega!














   
TIL BAKA
Nýlegar fréttir
Fleiri fréttir
Fréttageymslan