| Grétar Magnússon

Breytingar á leikjum í desember

Búið er að gefa út hvaða leikjum liðsins hefur verið breytt vegna beinna sjónvarpsútsendinga í Bretlandi.  Um er að ræða leiki liðsins í desember.

Fyrri nágrannaslagur tímabilsins hefur verið færður til sunnudagsins 10. desember og byrjar kl. 14:15.

Útileikur gegn Bournemouth er á dagskrá helgina þar á eftir og er það sömuleiðis sunnudagsleikur, nánar tiltekið 17. desember og verður flautað til leiks kl. 16:30.

Heimsókn á Emirates leikvanginn til að etja kappi við Arsenal var lengi fyrirhuguð á Aðfangadag samkvæmt fréttum í Englandi en það mætti mikilli mótspyrnu stuðningsmanna beggja félaga.  Leikurinn hefur því verið settur á föstudagskvöldið 22. desember og hefst hann klukkan 19:45.

Að lokum er það svo heimaleikur við Swansea á annan dag jóla, sá leikur var á dagskrá þennan dag kl. 15:00 en verður nú síðasti leikur dagsins og byrjar kl. 17:30.






TIL BAKA
Nýlegar fréttir
Fleiri fréttir
Fréttageymslan