| Sf. Gutt

Ryan Kent kominn heim


Ungliðinn Ryan Kent er kominn heim. Hann var lánaður til Þýskalands í sumar en spilaði aðeins sex leiki með Freiburg sem leikur í efstu deild þar í landi. Ryan lék mjög vel í æfingaleikjum á undirbúningstímabilinu en þegar á hólminn kom var hann ekki nógu góður í lið í efstu deild í Þýskalandi. Talið er að Liverpool ætli að senda hann aftur á lán nú í janúar.


Því má bæta við að annar ungliði Cameron Brannagan er sagður á förum frá Liverpool fyrir fullt og fast. Oxford United hefur áhuga á honum. Cameron hefur spilað níu leiki með Liverpool. Þeir komu allir á leiktíðinni 2015/16 en Cameron hefur ekki náð að fylgja góðri framgöngu á þeirri leiktíð eftir. 







 
TIL BAKA
Nýlegar fréttir
Fleiri fréttir
Fréttageymslan