Af HM

Nú er ljóst hvaða þjóðir eru komnar í átta liða úrslit á HM í Rússlandi. Fimm fulltrúar Liverpool eru enn með og gætu orðið heimsmeistarar. Þó bara einn!

Frakkland var fyrsta liðið til að komast í átta liða úrslit eftir 4:3 sigur á Argentínu. 

Úrúgvæ vann svo Portúgal 2:1. Luis Suarez og Sebastian Coates eru í liðshópi Úrúgvæ. Luis lék þennan leik. 

Rússar komust áfram eftir að hafa unnið Spánverja 4:3 í vítaspyrnukeppni á sunnudaginn. Iago Aspas, fyrrum leikmaður Liverpool, mistókst að skora úr spyrnunni sem réði úrslitum. Allt gekk af göflunum af fögnuði í Rússlandi þegar úrslitin réðust. 

Króatar komust líka áfram eftir vítakeppni. Leik þeirra, eins og Rússa og Spánverja, lauk 1:1. Króatar unnu vítakeppnina 3:2. Dejan Lovren var í vörn Króata og stóð sig vel. 


Brasilía vann Mexíkó 2:0. Naymar skoraði fyrra markið snemma í síðari hálfleik og Roberto Firmino innsiglaði sigurinn þegar tvær mínútur voru eftir. Hann var þá nýkominn inn á sem varamaður. Philippe Coutinho var í liðinu en hann er búinn að spila mjög vel það sem af er HM. 

Belgar unnu ótrúlegan 3:2 sigur á Japan eftir að hafa lent 0:2 undir. Simon Mignolet var á bekknum eins og fyrr í keppninni. 

Svíþjóð vann Sviss 1:0 og verða áfram fulltrúar Norðurlandanna í keppninni. 

England var svo síðasta þjóðin til að komast áfram eftir að hafa unnið Kólumbíu 4:3 í vítaspyrnukeppni. Staðan var 1:1 eftir framlengingu. Jordan Henderson stóð fyrir sínu á miðjunni. Hann var einn af skyttum enskra í vítakeppninni en spyrna hans var varin. Trent Alexander-Arnold kom ekki inn á. 

Átta liða úrslit verða á dagskrá á föstudag og laugardag. Úrúgvæ mætir Frakklandi. Brasilía og Belgía takast á. Svíþjóð og England og Rússland og Króatía mætast í hinum leikjunum.