26 leikir án taps á Anfield

Liverpool hefur byrjað þetta tímabil nokkurn veginn eins vel og hægt er að hugsa sér og hingað til er liðið enn taplaust á Anfield. Leikurinn gegn Cardiff í gær var 25. leikurinn í röð án taps á heimavelli, sem er ansi tilkomumikill árangur. 

Fram að áramótum á liðið fimm heimaleiki í deildinni, gegn Fulham, Everton, Manchester United, Newcastle og Arsenal. 
Við höfum aðeins rætt fáránlega góða tölfræði Mo Salah hér á síðunni, en ekki nóg með að hann hafi aldrei tapað deildarleik á Anfield (enda kom hann ekki til félagsins fyrr en eftir tapleikinn gegn CP) heldur má hann varla koma inná Anfield án þess að skora!

Hann skoraði 19 mörk í 19 heimaleikjum á síðasti tímabili og það sem af er þessu tímabili eru deildarmörkin á Anfield orðin 4 í 5 leikjum. Allt í allt hefur hann því skorað 23 mörk í 24 deildarleikjum á heimavelli. Það er alls ekkert að því.