Michael Owen verður ekki keyptur
Mikið hefur verið rætt um framtíð Michael Owen í sumar. Það er sagt að ákvæði sé í samningi hans við Newcastle sem að gerir honum kleift að fara frá félaginu ef eitthvað lið í fjórum efstu sætum Ensku Úrvalsdeildarinnar bjóði níu milljónir punda í hann. Liverpool er eitt af þeim liðum sem að er sagt vera á eftir þessum magnaða framherja en nú hefur stjórnarformaður félagsins Rick Parry sagt að hann muni ekki snúa aftur til Liverpool í sumar. Hann segir það ólíklegt að hann muni nokkurn tíma gera það.
"Hann mun allavega ekki vera keyptur í þessum félagsskiptaglugga og ég efast stórlega um að hann muni heldur verða keyptur í þeim næsta." sagði Rick Parry í viðtali við BBC Radio Five Live.
Michael Owen yfirgaf Liverpool rétt eftir að Rafael Benítez tók við stjórn hjá félaginu en þá gekk hann til liðs við Real Madrid á Spáni. Honum tókst ekki að festa sig í sessi á Spáni og gekk til liðs við Newcastle þar sem að hann hefur verið mest megnis frá vegna meiðsla.
Hann er eini leikmaðurinn í sögu Liverpool sem að hefur verið kosinn Knattspyrnumaður Evrópu. Michael lék á sínum tíma 297 leiki fyrir hönd Liverpool og skoraði í þeim leikjum alls 158 mörk.
-
| Sf. Gutt
Pep Lijnders kominn með starf -
| Sf. Gutt
Dásamlegt samband! -
| HI
Misstu niður unnin leik -
| Sf. Gutt
Síðasti útileikurinn -
| Sf. Gutt
Fer Luis Díaz? -
| Sf. Gutt
Kaide Gordon fær nýjan samning -
| Sf. Gutt
Mark í tveimur leikjum í röð! -
| Sf. Gutt
Svolítið hissa að sjá boltann í netinu! -
| Sf. Gutt
Elska félagið og ætla að vera áfram! -
| Sf. Gutt
Sjálfum sér líkir á nýjan leik!