Fernando er líklega úr leik í bili
Fernando Torres varð að fara af velli um miðjan fyrri hálfleikinn í landsleik Spánverja og Frakka í gærkvöldi. Brotið var á honum og hann meiddist aftan á læri. Nú lítur allt út fyrir að hann verði eitthvað frá vegna meiðslanna. Í það minnsta er afar ólíklegt að hann geti spilað með gegn Chelsea á sunnudaginn. Þetta er í annað sinn á leiktíðinni sem Fernando meiðist með landsliðinu en hann meiddist á æfingu með því í haust og var frá í um það bil mánuð.
Rafael Benítez var skiljanlega ekki ánægður og sú staðreynd að meiðslin áttu sér stað í vináttulandsleik gerðu honum enn gramara í geði. Hann telur útséð um að Fernando geti spilað gegn Chelsea. "Það sem vitum er að Fernando Torres er meiddur aftan á læri. Ég þarf að tala við lækninn en ég held að hann missi af þessum leik. Venjulega er leikmaður frá í minnsta kosti viku þegar svona meiðsli eru annars vegar."
Fernando Torres sagði sjálfur í morgun að hann væri ákveðinn í að vera tilbúinn til leiks á sunnudaginn.
-
| Sf. Gutt
Pep Lijnders kominn með starf -
| Sf. Gutt
Dásamlegt samband! -
| HI
Misstu niður unnin leik -
| Sf. Gutt
Síðasti útileikurinn -
| Sf. Gutt
Fer Luis Díaz? -
| Sf. Gutt
Kaide Gordon fær nýjan samning -
| Sf. Gutt
Mark í tveimur leikjum í röð! -
| Sf. Gutt
Svolítið hissa að sjá boltann í netinu! -
| Sf. Gutt
Elska félagið og ætla að vera áfram! -
| Sf. Gutt
Sjálfum sér líkir á nýjan leik!