Milan Jovanovic farinn

Í gærkvöldi var tilkynnt opinberlega að samkomulag hefði tekist á milli Liverpool og Anderlecht um vistaskipti Milan Jovanovic. Serbinn fer á frjálsri sölu líkt og þegar hann kom til Liverpool síðasta sumar.

Milan Jovanovic kom á frjálsri sölu frá belgíska félaginu Standard Liege í fyrrasumar.  Ekki voru miklar væntingar bundnar við hann í upphafi en hann hafði þó staðið sig vel á HM með liði Serbíu. 

Milan spilaði svo aðeins 18 leiki fyrir félagið á síðasta tímabili og var lítið notaður eftir að Kenny Dalglish tók við í janúar.  Jova skoraði tvö mörk fyrir félagið, eitt í Deildarbikarnum og eitt í Evrópubikarnum.