Samed Yesil úr leik

Þjóðverjinn marksækni Samed Yesil er kominn í sumarfrí eftir að hafa orðið fyrir slæmum meiðslum á dögunum. Hann meiddist á hné þegar hann var með undir 19 ára landsliði Þjóðverja. Meiðslin voru svo könnuð betur og kom þá í ljós að krossband var farið. Samed verður því ekkert með næsta hálfa árið eða svo.

Þetta er auðvitað mjög slæmt fyrir þennan mikla markaskorara sem er í miklu áliti í Þýskalandi. Þar hefur hann fengið gælunafnið Gerd í höfuðið á goðsögninni Gerd Muller. Samed hefur raðað inn mörkum fyrir yngri landslið Þjóðverja á síðustu árum. Til dæmis hefur hann skorað átta mörk í sex leikjum fyrir undir 19 ára landsliðið. Hann kom til Liverpool frá Bayer Leverkusen í fyrrasumar og hefur leikið tvo leiki með aðalliði Liverpool.

Samed er annar leikmaður Liverpool til að verða fyrir krossbandameiðslum á leiktíðinni en í haust varð Martin Kelly fyrir slíkum meiðslum. Hann er nú á góðum batavegi.