Æft á Tenerífe

Jürgen Klopp hélt með liðið sitt til Tenerífe á mánudaginn og þar verður æft næstu fjóra dagana. Þeir leikmenn sem ekki voru valdir í landslið sín fóru í æfingaferðina auk nokkurra ungliða. Leikmenn fengu að hafa konur sínar og börn með. 

Ekki spilaði Liverpool vel eftir æfingaferðina til La Manga í febrúar og steinlá 3:1 í Leicester. Vonandi skilar þessi ferð tilætluðum árangri og því eru síðustu leikir leiktíðarinnar framundan. Margir leikmenn eru núna á ferð og flugi með landsliðum sínum og miklu skiptir að þeir komi heilir til baka því næsti leikur Liverpool er við Everton á Anfield 1. apríl.

Hér eru myndir sem teknar voru á Tenerífe í gær.