Leikjaniðurröðun í Úrvalsdeildinni

Nú rétt í þessu var leikjaniðurröðun fyrir komandi tímabil í ensku Úrvalsdeildinni kynnt.  Fyrsti leikur okkar manna er gegn Watford á útivelli þann 12. ágúst og tímabilið klárast svo þann 13. maí með leik gegn Brighton á heimavelli.

Eins og venjulega horfa menn til stórleikjanna við Manchester United og Everton á næsta tímabili en Liverpool leikur heima gegn Manchester United 14. október og á útivelli þann 10. mars.  Fyrsti nágrannaslagur tímabilsins er 9. desember á Anfield og á Goodison Park þann 7. apríl.

Hafa ber í huga að margir leikir eiga eftir að flytjast til í tíma vegna beinna sjónvarpsútsendinga.  Það er þó að minnsta kosti ljóst að þetta eru leikir okkar manna í Úrvalsdeildinni á komandi tímabili.