Enn fjölgar á Anfield!

Á leiknum á móti Burnley 10. febrúar fjölgaði enn á Anfield Road. Þá voru ný sæti í Anfield Road end stúkunni tekin í notkun. Á leiknum við Burnley töldust 59.896 áhorfendur.

Á móti Manchester United í desember var efri hluti nýju stúkunnar opnaður í fyrsta sinn. Á þeim leik voru 57.158 áhorfendur. Mesti fjöldi fyrir daginn í dag var gegn Arsenal á Þorláksmessu en þá voru 57.548 áhorfendur. Í dag bættist svo enn við í nýju stúkunni. Enn hafa ekki öll sæti verið tekin í noktun. Þegar öll stúkan verður fullskipuð fer fjöldinn yfir 60.000 þúsund. 


Áhorfendafjöldinn á móti Burnley var nýtt met fyrir deildarleik á Anfield. Gamla metið var frá þriðja degi jóla 1949. Þá komu 58.757 áhorfendur til að horfa á leik Liverpool og Chelsea. Leiknum lauk með 2:2 jafntefli. Mesti fjöldi í sögu Liverpool er 61.276 áhorfendur.

Á efstu myndinni má sjá Luis Díaz skora á móti Burney. Liverpool vann 3:1 sigur. Í baksýn sést vel í nýju stúkuna.