Útséð um Xabi Alonso!

Nú liggur fyrir að Xabi Alonso verður ekki næsti framkvæmdastjóri Liverpool. Hann ætlar sér að vera áfram hjá Bayer Leverkusen. 


Spánverjinn hafði meðal annars þetta að segja á blaðamannafundi í dag. ,,Það hafa verið miklar vangaveltur um framtíð mína að undanförnu. Við höfum haft í mörg horn að líta og verið að einbeita okkur að því sem fyrir hefur legið. Þess vegna vildi ég fá landsleikjahléið til að skoða þetta betur. Ég átti góða fundi með þeim sem taka ákvarðanirnar og hef ákveðið að vera áfram hjá Bayer Leverkusen. Mér finnst eins og ég sé réttum stað og verki mínu er ekki lokið hér." 


Bayer Leverkusen leiðir þýsku deildina, er komið í undanúrslit í bikarkeppninni og er enn með í Evrópudeildinni. Enn sem komið er hefur Bayer ekki tapað leik á keppnistímabilinu sem er lygileg staðreynd! 

Allt frá því Jürgen Klopp geindi frá því að hann myndi láta af störfum í sumar hefur Xabi Alonso verið sterklega sterklega orðaður eftirmaður Jürgen. En nú hefur Xabi tekið af öll tvímæli. Hann kemur ekki til Liverpool í sumar!

Xabi spilaði auðvitað með Liverpool en líka með stórliðum Real Madrid og Bayern Munchen. Talið var að hann myndi taka við einhverju af þessum þremur liðum í sumar. Ekki verður svo og mun Bayer Leverkusen njóta krafta hans áfram um sinn.