Jamie Carragher með sinn 450. leik!
Jamie Carragher lék um síðustu helgi, gegn Chelsea, sinn 450. leik sinn með Liverpool. Hann stóð fyrir sínu í þessum tímamótaleik og var af mörgum talinn besti maður vallarins. Jamie þokar sér jafnt og þétt upp lista leikjahæstu manna Liverpool. Nú eru aðeins átján leikmenn fyrir ofan Carra á listanum. Ian Callaghan trónar efst á listanum með 857 leiki og það er ólíklegt að honum verði steypt af þeim stalli.
Það er vel viðeigandi að Jamie skuli ná þessum áfanga núna því fyrr í þessum mánuði voru slétt tíu ár liðin frá því hann lék sinn fyrsta leik í aðalliði Liverpool. Þegar hann kom inn sem varamaður gegn Middlesborough í Deildarbikarleik á Árbakkavelli datt örugglega ekki nokkrum manni í huga að Jamie ætti eftir að leika svona marga leiki með Liverpool. En sú hefur nú samt orðið raunin og víst er, að sleppi hann við meiðsli, þá á hann eftir að leika fjölmarga leiki í viðbót með Liverpool. Jamie hefur í viðurkenningarskyni fyrir að hafa spilað í áratug með Liverpool fengið boð um ágóðaleik frá forráðamönnum félagsins.
Jamie Carragher á afmæli í dag. Hann er nú 29 vetra. Það er því rétt og skylt að senda honum hamingjuóskir í tilefni dagsins.
-
| Sf. Gutt
Arne Slot boðar komu sína! -
| Sf. Gutt
Pep Lijnders kominn með starf -
| Sf. Gutt
Dásamlegt samband! -
| HI
Misstu niður unnin leik -
| Sf. Gutt
Síðasti útileikurinn -
| Sf. Gutt
Næsta víst! -
| Sf. Gutt
Fer Luis Díaz? -
| Sf. Gutt
Kaide Gordon fær nýjan samning -
| Sf. Gutt
Mark í tveimur leikjum í röð! -
| Sf. Gutt
Svolítið hissa að sjá boltann í netinu!