Við óttumst enga!
Xabi Alonso segir að leikmenn Liverpool óttist ekkert af þeim liðum sem eftir eru í Meistaradeildinni. Spánverjinn hrósar Jamie Carragher fyrir frábæran leik. Hann er ekki einn um það í dag að hrósa þessum magnaða varnarmanni.
"Við vissum að þetta yrði erfitt gegn Evrópumeisturunum. Margir áttu ekki von á því að við myndum slá Barcelona út en við erum konir í fjórðungsúrslit og getum hlakkað til dráttarins. Þar eru mörg erfið lið eftir en við óttumst ekkert þeirra. Við berum virðingu fyrir þeim en við erum ekki hræddir við þau.
Stemmningin á leiknum var mjög mögnuð og við fengum frábæran stuðning. Stuðningsmenn okkar eru þeir bestu í heimi. Því miður náðum við ekki að skora í fyrri hálfleik þrátt fyrir góð marktækifæri. Við vissum að við gátum ekki legið til bara og varist. Þess vegna vildum við skora mark.
Síðustu fimmtán mínúturnar voru erfiðar. Við vissum að þeir myndu fara áfram ef þeir næðu öðru marki og við þurftum að verjast mjög vel. En jafnvel eftir að þeir skoruðu þá hafði ég trú á því að við myndum ekki fá annað mark á okkur. Við vörðumst vel og Jamie Carragher verðskuldaði sannarlega að vera valinn besti maðurinn á vellinum. Hann átti enn einu sinni framúrskarandi leik fyrir okkur."
-
| Sf. Gutt
Arne Slot boðar komu sína! -
| Sf. Gutt
Pep Lijnders kominn með starf -
| Sf. Gutt
Dásamlegt samband! -
| HI
Misstu niður unnin leik -
| Sf. Gutt
Síðasti útileikurinn -
| Sf. Gutt
Næsta víst! -
| Sf. Gutt
Fer Luis Díaz? -
| Sf. Gutt
Kaide Gordon fær nýjan samning -
| Sf. Gutt
Mark í tveimur leikjum í röð! -
| Sf. Gutt
Svolítið hissa að sjá boltann í netinu!