Ian Rush

Goðsögnin Ian Rush er snúinn aftur á Anfield Road. Þetta eru bestu fréttir sem hafa komið úr Musterinu í langan tíma. Víst gerir hann ekki nein kraftaverk einn og sér. Þó skyldi enginn afskrifa það! En það er sannarlega jákvætt að fá Ian til starfa hjá félaginu þar sem hann gerði garðinn svo frægan.

Hér á liverpool.is leynist mikil og góð umfjöllun um Ian Rush þar sem ferill hans er rakinn í máli og myndum. Auk þess er að finna einkaviðtal við meistarann. Á þessum skemmtilegu tímamótum væri ekki úr vegi að rifja upp hinn glæsilega feril þessa mikla markaskorara. Ian er jú markahæsti leikmaður í sögu Liverpool. Hann skoraði 345 mörk í 658 leikjum. Hér geturðu fundið umfjöllunina um Ian Rush.