Michael Owen

Það er ekki spurning hver er maður vikunnar núna. Michael Owen hefur nú gert átta mörk í fjórum leikjum og kórónaði þetta með mörkunum mikilvægu í úrslitaleik FA-Cup. Hann er hreinlega óstöðvandi um þessar mundir og hefur aldeilis farið í gang á réttum tíma þegar komið er að úrslitastundu á öllum vígstöðvum.

Frammistaða hans undanfarið hefur vakið umræður í fjölmiðlum um nýjan samning. Um það segir Houllier: "Þegar rétti tíminn kemur ræðum við það. Það hefur ekkert verið gert ennþá. Hann sagði í byrjun tímabilsins að hann myndi með ánægju verða um kyrrt og við viljum halda honum. Hann kláraði færi sín frábærlega á laugardaginn. Ef hann ætlar að skrifa undir nýjan samning mun hann kosta töluvert meira."

En ljóst er að ef drengurinn heldur svona áfram er hann hverrar krónu virði sem hann kostar.