Alonso tilbúinn að mæta Fabregas

Xabi Alonso segir að vinur sinn og landi, Cesc Fabregas, sé að verða einn af áhrifamestu leikmönnum í heimi.  Alonso stefnir að því að stöðva landsliðsfélaga sinn þegar þeir mætast á sunnudaginn.

,,Hann er einn af mikilvægustu leikmönnum þeirra og einn sá áhrifamesti í Úrvalsdeildinni, enginn vafi er á því,"  sagði Alonso við opinbera heimasíðu Liverpool.

,,Fabregas hefur byrjað tímabilið mjög vel en vonandi mun hann ekki spila vel á sunnudaginn.  Ég mun að sjálfsögðu hringja í hann fyrir leikinn.  Hann er góður strákur og við tölum mikið saman."

Alonso viðurkennir að hann hefur hrifist af þeirri byrjun sem Arsenal hefur náð í deildinni.

,,Þeir eru að gera gott mót og eru að spila mjög góðan fótbolta, sennilega besta fótboltann í deildinni um þessar mundir."

,,Þeir eru mjög hreyfanlegir og margir leikmanna þeirra eru öruggir þegar þeir eru með boltann.  Skilningur á milli leikmanna er mjög góður og það leiðir af sér góðan fótbolta og það er virkilega gaman að horfa á þá."