Mark spáir í spilin

Líkt og síðustu sex leiktíðir munu spádómar Mark Lawrenson, fyrrum leikmanns Liverpool, verða birtir hér á liverpool.is. Já, þessir spádómar hafa nú birst hér í heilar sex leiktíðir og teljast án efa fastur liður á síðunni. Spádómar Mark Lawrenson hafa alltaf verið vel lesnir og hafa vinsældir þessa fastaliðs alls ekki minnkað. Af þeim sökum var ákveðið að halda áfram að birta spárnar.

Spádómarnir birtast á vefsíðu BBC og Mark spáir alltaf um alla leiki helgarinnar í Úrvalsdeildinni. Undirritaður þýðir spána um leik Liverpool og stefnt er að því að spádómurinn birtist hér á síðunni á föstudögum.

Fróðleiksmolar frá BBC

- Þetta er 47. leiktíð Liverpool í röð í efstu deild.

- Fernando Torres skoraði flest mörk fyrir Liverpool á síðustu leiktíð eða 33 talsins.

- Hinn 24 ára gamli Spánverji var jafn í öðru sæti í markaskorun í Úrvalsdeildinni með 24 mörk.

- Markvörðurinn Jose Reina var eini leikmaður Liverpool sem lék allar mínútur í 38 leikjum Liverpool í Úrvalsdeildinni.

- Jamie Carragher lék flesta leiki Liverpool í öllum keppnum eða 55 af 59.

- Leikur liðanna á Ljósvangi á síðustu leiktíð. 25. ágúst 2007: Sunderland : Liverpool. 0:2. Mörk Liverpool: Mohamed Sissoko (37. mín.) og Andriy Voronin (87. mín.). Markið sem Momo skoraði var 4000. deildarmarkið í sögu Liverpool. Þetta var eina markið sem hann skoraði fyrir Liverpool.

 

Spá Mark Lawrenson

Sunderland v Liverpool

Liverpool virtist ekki vera komnir í gang gegn Standard Liege í Meistaradeildinni en ætti Steven Gerrard að vera kominn aftur og fyrsti leikur í Úrvalsdeildinni kveikir alltaf í liðum. En liðið hans Roy Keane verður tilbúið í slaginn. Roy hefur nú hætt að kaupa leikmenn úr næst efstu deild og hefur tekið til við að kaupa leikmenn sem hafa leikið hundruðir leikja í efstu deild. Þetta skiptir sköpum og ég held að liðið gæti byrjað leiktíðina með því að ná einu stigi.

Úrskurður: Sunderland v Liverpool. 1:1.