Nýtt met hjá Luis!

Luis Suarez setti nýtt félagsmet í gær þegar hann skoraði þrennu í 2:5 sigri Liverpool gegn Norwich City á Carrow Road. Með því að skora þrennu varð hann fyrstur leikmanna í sögu Liverpool til að skora þrjú mörk, í deildarleik, á sama útivellinum tvö keppnistímabil í röð!

Luis Suarez skoraði auðvitað þrennu á Carrow Road undir vor á síðasta keppnistímabili þegar Liverpool vann 0:3. Þótti síðasta mark hans sérlega eftirminnilegt þegar hann skoraði rétt fyrir innan miðju í autt markið. Luis hefur þar með skorað sex mörk í þremur leikjum gegn Norwich og kann greinilega vel við sig á móti Kanarífuglunum!