Danny kemur til baka í sumar

Danny Ings er enn að ná sér eftir hnjámeiðslin sem hann varð fyrir á móti Tottenham í Deilarbikarleik í lok október. Hann mun ekki geta hafið æfingar fyrr en í sumar. Hugsanlega var talið að hann gæti komið til leiks nú í vor en nú er útséð um það. Danny sleit krossbönd haustið 2015 og það má segja að allt hafi gengið á afturfótunum hjá honum frá því hann kom til Liverpool. Í það minnsta hvað meiðsli áhrærir.


Danny spilaði níu leiki leiktíðina 2015/16 og var búinn að taka þátt í tveimur á þessari og hann meiddist í þeim seinni. Danny skoraði þrjú mörk í níu fyrstu leikjunum. Það er vonandi að hann nái sér fullkomlega en það er engin trygging fyrir því eftir tvenn alvarleg meiðsli.