Steven farinn að æfa!

Steven Gerrard er kominn á ról á nýjan leik en hann hefur verið frá vegna sýkingar í ökkla frá því í lok október. Eins og allir muna þá var Steven nýkominn til leiks eftir nárameiðsli, sem héldu honum frá keppni í hálft ár, þegar ökklasýkingin kom til. 

Steven byrjaði að æfa á Melwood fyrir helgina en ekki er ljóst hvenær hann verður leikfær á nýjan leik. Það ætti þó að styttast í það en víst er að farið verður varlega með kappann svo ekki komi bakslag í bata hans.