Milan Baros

Patrik Berger spáir samlanda sínum, Milan Baros, glæstri framtíð í enska boltanum: "Milan er enn ungur að árum en enski boltinn hentar leikstíl hans afskaplega vel. Hann er öflugur í loftinu, líkamlega sterkur og leikinn. Hann er afar frábrugðinn Michael Owen og Robbie Fowler. Ég veit að hans bíður glæst framtíð og kemur mér ekki á óvart að Liverpool keypti hann. Ég talaði við stjórann er ég heyrði af áhuga Liverpool á honum og þá kom í ljós að Houllier hafði fylgst með honum síðan Baros var 17 ára og hann vissi miklu meira um hann heldur en ég."

Baros skoraði í fyrsta leik sínum fyrir A-landsliðið í vináttuleik gegn Belgum, 25. apríl 2001, sem lauk með 1-1 jafntefli og annað mark fylgdi í kjölfarið í næsta leik gegn N-Írum. Sá leikur var í undankeppni HM og Baros var búinn að stimpla sig rækilega inn í A-landsliðið. Josef Chovanec þjálfari var ánægður með pilt: "Milan hjálpaði okkur að snúa leiknum okkur í vil. Hraði hans, tækni og kraftur gerði útaf við N-Íranna og hann uppskar með marki." Baros byrjaði landsliðsferillinn af krafti og hefur skorað grimmt fyrir Tékkland og varð markakóngur EM 2004 þegar Tékkland komst í undanúrslit. Því miður nutu aðdáendur Liverpool snilli Baros bara af og til og hann var seldur til Aston Villa eftir aðeins eitt tímabil undir stjórn Rafael Benítez.

Tölfræðin fyrir Milan Baros

Tímabil	Deild	Bikar	Deildarbikar	Evrópa	Annað	Alls
2001/2002	0 - 0	0 - 0	0 - 0	1 - 0	0 - 0	1 - 0
2002/2003	27 - 9	1 - 0	4 - 2	9 - 1	1 - 0	42 - 12
2003/2004	13 - 1	1 - 0	0 - 0	4 - 1	0 - 0	18 - 2
2004/2005	26 - 9	1 - 0	4 - 2	14 - 2	0 - 0	45 - 13
2005/2006	2 - 0	0 - 0	0 - 0	0 - 0	0 - 0	2 - 0
Samtals	68 - 19	3 - 0	8 - 4	28 - 4	1 - 0	108 - 27

Fréttir, greinar og annað um Milan Baros