Stefan Bajcetic

Stefan Bajcetic kom til félagsins frá spænska félaginu Celta Vigo í febrúar árið 2021.

Hann er með spænskt vegabréf og hefur spilað fyrir yngri landslið þeirra en faðir hans er serbneskur og spilaði á sínum tíma fyrir landslið Serbíu.

Stefan er fjölhæfur leikmaður sem getur spilað bæði sem miðvörður og miðjumaður. Hann spilaði í fyrsta sinn fyrir U-18 ára lið félagsins tímabilið 2020-21 þegar hann var ennþá gjaldgengur í U-16 ára liðið.

Tímabilið 2021-22 stóð hann sig frábærlega og fékk meðal annars tækifæri með U-21 árs liði félagsins í úrvalsdeild 2 og í ungliðakeppni UEFA. Hann meiddist því miður undir lok tímabilsins og missti af síðustu þrem mánuðunum vegna þeirra. Það vakti svo athygli að hann var hluti af æfingahóp aðalliðsins á undirbúningstímabilinu sumarið 2022 og í fyrstu leikjum tímabilsins var hann á bekknum í ensku úrvalsdeildinni. Þann 27. ágúst fékk hann svo sitt fyrsta tækifæri með liðinu þegar hann kom inná sem varamaður gegn Bournemouth, í leik sem vannst 9-0.

Tölfræðin fyrir Stefan Bajcetic

Tímabil	Deild	Bikar	Deildarbikar	Evrópa	Annað	Alls
2022/2023	11 - 1	2 - 0	2 - 0	4 - 0	0 - 0	19 - 1
2023/2024	1 - 0	0 - 0	1 - 0	1 - 0	0 - 0	3 - 0
Samtals	12 - 1	2 - 0	3 - 0	5 - 0	0 - 0	22 - 1

Fréttir, greinar og annað um Stefan Bajcetic