Charlie vill ekki fara frá Liverpool!

Charlie Adam sem hefur verið orðaður við brottför frá Liverpool hefur ekki neinn áhuga á að fara frá félaginu. Hann segist vera ánægður hjá Liverpool og vill hvergi fara.
 
,,Ég er ánægður hjá Liverpool og hvers vegna ætti ég að vilja fara eftir aðeins eitt ár? Það er ekkert vit í því. Ég get alveg viðurkennt að ég hef rætt við framkvæmdastjórann en frá mínum sjónarhóli séð þá er ég ekki að fara eitt né neitt."

,,Ég er að spila með nokkrum af bestu leikmönnum í heimi, hef góðan þjálfara, góðan framkvæmdastjóra og er að læra af honum á hverjum degi. Ég vil spila þetta árið og vonandi fæ ég tækifæri til þess. Þetta er mikilvæg leiktíð fyrir okkur hjá Liverpool, við erum í Evrópudeildinni og viljum bæta okkur í deildinni frá því á síðustu leiktíð."

Charlie Adam vill sem sagt ekki fara frá Liverpool. Það kemur í ljós hvort honum verður að ósk sinni.