Rhys Williams

Rhys Willams er miðvörður og hefur verið hjá Akademíu félagsins síðan hann var smá patti. Hann spilaði sinn fyrsta leik fyrir U-18 ára liðið tímabilið 2016-17 þegar hann var enn í grunnskóla. Í dag spilar hann reglulega fyrir U-18 og U-19 (sem spilar í ungliðadeild UEFA) ára liðin.

Tímabilið 2018-19 spilaði hann sinn fyrsta leik fyrir U-23 ára liðið og spilaði sinn fyrsta leik gegn Villarreal í nóvember það tímabil. Í febrúar 2019 skrifaði hann undir sinn fyrsta atvinnumannasamning við félagið og spilaði sinn fyrsta landsleik fyrir U-18 ára lið Englendinga. Ekki var gleðin búin hjá honum þetta ár því hann var einnig hluti af liðinu sem vann ungliðakeppni FA bikarsins en bikarinn vannst á dramatískan hátt í vítaspyrnukeppni gegn Manchester City.

Á síðasta tímabili var hann á láni hjá Kidderminster Harriers og þótti standa sig vel þar.

Hans fyrsti leikur fyrir aðallið félagsins var svo í Deildarbikarnum tímabilið 2020-21 þegar hann byrjaði inná og spilaði allan leikinn gegn Lincoln City í 2-7 sigri.

Tölfræðin fyrir Rhys Williams

Tímabil	Deild	Bikar	Deildarbikar	Evrópa	Annað	Alls
2020/2021	9 - 0	2 - 0	2 - 0	6 - 0	0 - 0	19 - 0
2021/2022	0 - 0	0 - 0	0 - 0	0 - 0	0 - 0	0 - 0
2022/2023	0 - 0	0 - 0	0 - 0	0 - 0	0 - 0	0 - 0
Samtals	9 - 0	2 - 0	2 - 0	6 - 0	0 - 0	19 - 0

Fréttir, greinar og annað um Rhys Williams