Heim í einkaþotu!

Liverpool þarf á öllu sínu að halda á laugardaginn þegar liðið mætir Everton. Luis Suarez lék heima í Úrúgvæ í gærkvöldi en var drifinn upp í einkaþotu eftir landsleik Úrúgvæ og Jórdaníu og var stefnan tekin til Liverpool.
 
Hermt er að John Henry eigandi Liverpool hafi lagt til einkaþotu til að koma Luis sem allra fyrst heim svo hann geti farið að undirbúa sig fyrir borgarslaginn. Brendan Rodgers staðfesti á blaðamannafundi í dag að Luis hefði verið flogið heim.
 
Luis hefur gengið býsna vel að skora a móti Everton þannig að miklu skiptir að hann verði búinn að hvíla sig og tilbúinn í slaginn um hádegisbilið á laugardaginn. Ef rétt er munað hefur Luis skorað þrívegis gegn Everton. Vonandi bætir hann á þann markalista á móti Bláliðum. Toppsætið í deildinni er í húfi!