Algjör draumur!

Hvað er betra en að fá að spila í grannaslag þegar maður er alinn upp hjá öðru liðinu í borginni? Jon Flanagan segir það hafa verið draum að fá tækifæri til að spila með Liverpool á móti Everton.

,,Það er bara draumur að fá aftur tækifæri til að spila. Það er alveg ótrúlegt fyrir mig að fá að spila með aðalliði Liverpool. Það rættist líka draumur fyrir mig að fá, sem heimastrákur sem ólst upp sem stuðningsmaður Liverpool, að taka þátt í grannaslag. Derby leikurinn er stærsti leikurinn. Fyrir heimastrák gerast leikirnir ekki stærri en Liverpool á móti Everton. Öll fjölskyldan mín heldur með Liverpool og ég held að hún hafi verið stolt af framgöngu minni í dag."

,,Framkvæmdastjórinn sagði að ég hefði bara spilað vel og hvatti mig til að halda áfram á sömu braut og leggja hart að mér. Hann sagði að ég hefði átt góðan leik og ég verð því bara að halda mínu striki. Strákarnir lögðu hart að sér og við gerðum vel í að komast yfir. Í síðari hálfleik vorum við óheppnir að lenda undir en við sýndum baráttu og náðum stigi."

Jon þótti standa sig mjög vel á móti Everton og ekki síst miðað við að hann lék vinstri bakvörð en hann er réttfættur. Hver veit nema hann eigi eftir að fá fleiri tækifæri í aðalliði Liverpool á komandi vikum.