Er stoltur af níunni

Rickie Lambert mun vera í treyju númer 9 hjá Liverpool á tímabilinu.  Hann spilaði einmitt með 9 á bakinu í fyrsta sinn með Liverpool í sigurleiknum gegn Preston í gær. Rickie segir að það fylli sig miklu stolti.


,,Þetta er frábært númer fyrir mig hjá Liverpool," sagði Lambert í viðtali.  ,,Ég hef alltaf séð mig sem leikmann númer 9, ég er þannig týpa af leikmanni og að fá þessa treyju hjá Liverpool er ótrúlegt."

,,Ég hefði verið ánægður með hvaða númer sem er því að svo lengi sem merki félagsins er á brjóstinu þá hefði ég verið ánægður, en að fá númer 9 er sérstakt fyrir mig."

Lambert voru fyrstu kaup Brendan Rodgers í sumar og hann viðurkennir að hafa verið eilítið stressaður fyrir fyrsta leik sinn með félaginu gegn Preston.

Hann bætti við:  ,,Þetta var sérstakt. Ég þurfti aðeins að átta mig á hlutunum í byrjun en þetta var mjög sérstakt. Auðvitað er ég atvinnumaður, er 32 ára að aldri og get haft stjórn á tilfinningum mínum, núna snýst þetta allt um að vera klár í slaginn líkamlega. Það er það eina sem ég einbeitti mér að, gera mitt besta og reyna að skora mark. Ég var eilítið vonsvikinn yfir því að skora ekki en ég naut þess að spila."

,,Ég var stressaður fyrir leikinn og líklega hef ég ekki verið svona stressaður lengi. Ég hef spilaði í mörgum stórum leikjum á mínum ferli og hef aldrei verið eins stressaður fyrir leik eins og þennan, en þetta var líka sérstök stund fyrir mig og eitthvað sem ég gleymi ekki."


Rickei býr sig nú undir að fljúga til Bandaríkjanna með Steven Gerrard og félögum úr enska landsliðinu.

,,Ég get ekki beðið og hlakka mikið til," sagði framherjinn. ,,Ég mun auðvitað sakna fjölskyldunnar, ég á þrjú börn, en tilhlökkunin er mikil. Strákarnir hafa sagt mér að þessar keppnisferðir séu mjög skemmtilegar."