Verðum að halda okkar striki

Liverpool hóf deildarkeppnina með útisigri í Stoke. Adam Lallana segir að leikmenn Liverpool verði að halda sínu striki og vinna fyrsta heimaleikinn sem er við Bournemouth á mánudagskvöldið. Hann segir leikinn mjög mikilvægan.

,,Hann er mjög mikilvægur því við þurfum að halda okkar striki frá því í Stoke og byggja ofan á þann leik. Ég er viss um að ýmsir áttu ekki von á því að við myndum vinna leikinn. Kannski út af því sem gerðist þar á síðustu leiktíð eða þá vegna þess að Stoke er jafnan erfitt heim að sækja. Mörg lið myndu líklega vera sátt með að ná einu stigi en við náðum öllum þremur."

,,Núna er mikilvægt að við missum ekki stig á mánudagskvöldið og verðum ennþá með fullt hús stiga eftir leikinn. Það er mikilvægt að við byrjum af krafti og fáum áhorfendur í lið með okkur því þeir eru okkur mikill styrkur. Það er magnað andrúmsloft á Anfield þegar áhorfendur láta í sér heyra og þeir geta hjálpað  okkur við að ná sigrum í hús."

Adam ólst upp hjá Bournemouth og lék svo nokkra leiki sem lánsmaður með liðinu fyrir nokkrum árum og þekkir því vel til hjá félaginu. Hann segir að það sé magnað afrek hjá Eddie Howe framkvæmdastjóra að koma liðinu upp í efstu deild. 

,,Síðustu ár hafa verið frábær og Eddie Howe og aðrir tengdir félaginu eiga hrós skilið. Það er framúrskarandi afrek að koma liðinu upp í Úrvalsdeildina. Ég er viss um að allir hjá félaginu hlakka til leiksins. Anfield er sögufrægur leikvangur svo ég er viss um að leikmenn liðsins, starfsfólk og stuðningsmenn hlakka til að gera góða hluti á útivelli."

Vonandi verður Liverpool með fullt hús stiga eftir leikinn við nýliða Bournemouth annað kvöld. Sigurinn gegn Stoke var vel þeginn og nú verður liðið að halda sínu striki!!!