Hef bara áhuga á að vinna titla fyrir Liverpool

Roberto Firmino segist bara hafa áhuga á að vinna titla með Liverpool. Brasillíumaðurinn virðist vera hæstánægður hjá Liverpool og hann á vonandi eftir upplifa draum sinn um að vinna titla hjá félaginu. 

,,Draumur minn er að vinna Úrvalsdeildina með Liverpool og við erum að reyna að láta þann draum rætast. Ég hef bara áhuga á Liverpool og vinna alla þá titla sem ég get fyrir félagið. Við eigum bestu stuðningsmenn í heimi. Þeir eru alveg ótrúlegir og svo fyrirfinnast stuðningsmenn Liverpool í öllum heimshornum." 


Roberto Firmino segir Anfield vera besta stað í heimi til að spila knattspyrnu. Nýi samningurinn sem hann gerði við Liverpool sýnir hversu ánægður hann er hjá Liverpool og svo elskar hann borgina! 

,,Það er engin spurning að Anfield er besti staður í heimi til að spila knattspyrnu. Ég er svo stoltur yfir því að spila fyrir svona frábært félag. Ég er Guði þakklátur fyrir það. Ég elska Liverpool borg. Það er frábært að búa í þessari borg."


Roberto Firmino var frábær á síðasta keppnistímabili og skoraði 27 mörk auk þess að leggja nokkur upp. Hann er nú að hefja fjórða keppnistímabil sitt hjá Liverpool. Alls hefur hann skorað 50 mörk fyrir Liverpool og hann á vonandi eftir að bæta vel við þá tölu á þessari sparktíð.