Rhian búinn að standa sig frábærlega

Rhian Brewster er búinn að standa sig frábærlega hjá Swansea City þar sem hann hefur verið í láni frá áramótum. Framherjinn ungi skoraði tíu deildarmörk í 20 leikjum sem verður að teljast vel af sér vikið. Hann hefur fengið mikið hól hjá Swansea sem tekur núna þátt í umspili um sæti í Úrvalsdeildinni. 

Það verður áhugavert að sjá hvort Rhian kemst í aðallið Liverpool á næsta keppnistímabili. Rhian er núna tvítugur. Hann lék með unglingaliði Chelsea þar til hann kom til Liverpool árið 2015. Hann hefur leikið þrjá leiki með aðalliði Liverpool.