Spáð í spilin

Chelsea spilaði mjög vel en Liverpool náði ekki að jafna eftir að hafa lent undir. Þrjú af þessum fimm töpum hafa verið 0:1 og það stendur ekki  upp á vörnina. Það stendur upp á sóknina. Svo fjarvera miðvarða er ekki aðalmálið. Menn þurfa líka að skora og framherjarnir og aðrir hafa ekki staðið sig í því. Liverpool á ekki að tapa á heimavelli þó andstæðingarnir skori eitt mark!


Vissulega hefur Liverpool ekki spilað vel en dómgæslan í leikju liðsins hefur verið skrautleg svo ekki sé meira sagt. Sem dæmi hefði Liverpool átt að fá víti á móti Chelsea. Af hverju greipu sjónvarpsdómararnir inn í þá? Myndbandsdómgæslan er gersamlega mislukkuð og reyndar er þetta form dómgæslu að eyðilegga íþróttina!

Liverpool fær Fulham í heimsókn á morgun. Sparkspekingar dæmdu nýliðana niður eftir fyrstu umferðirnar en liðið hefur verið að braggast og gæti vel bjargað sér frá falli. Fyrri leik liðanna í London lauk 1:1 og kannski var sá leikur upphafið að þeim erfiðleikum sem Liverpool hefur átt við að etja síðustu tvo mánuðina. 


Það er ekki annað hægt en að trúa því að Liverpool vinni á morgun. Við stuðningsmenn Liverpool verða líka að trúa því að gengið geti snúist við. Fimm tapleikir í röð í Musterinu er eitthvað sem ekki nokkur maður hefði getað hugsað sér að gæti gerst. Það þarf að stoppa þessa hrinu tapleikja, byggja upp sjálfstraust og fara að vinna leiki. Liverpool vinnur 3:0. Mohamed Salah skorar tvö og Diogo Jota eitt. 

YNWA!