Harvey illa meiddur!

Harvey Elliott meiddist illa á ökkla í leik Liverpool og Leeds United í dag. Harvey var borinn af velli á 63. mínútu eftir að hafa orðið fyrir slæmri tæklingu leikmanns Leeds. Eftir leik var upplýst ökklinn hefði farið úr lið. Harvey var fluttur á sjúkrahús og búið er að setja ökklann í lið. Hann fer svo í aðgerð á næstu dögum. Ekki er vitað hversu lengi Harvey verður frá æfingum og keppni en örugglega verður um nokkra mánuði að ræða. 

Harvey Elliott sendi frá sér þessa yfirlýsingu á Instagram síðu sinni núna í kvöld. ,,Þakka ykkur öllum kveðjurnar! Vegurinn til bata er framundan. YNWA!"

Þessi meiðsli eru gríðarlegt áfall fyrir Harvey og Liverpool. Hann er búinn að spila alla leiki Liverpool það sem af er leiktíðar og standa sig stórvel. 

Liverpool klúbburinn á Íslandi óskar Harvey góðs og fulls bata!