Gat ekki hætt að brosa

Tyler Morton sló tvær flugur í einu höggi þegar hann kom inná sem varamaður gegn Arsenal. Þetta var hans fyrsti deildarleikur með Liverpool og jafnframt í fyrsta sinn sem hann spilar með aðalliðinu á Anfield.

Skiljanlega átti hann erfitt með að hætta að brosa yfir þessum áfanga, en fyrir leikinn hafði hann spilað tvo leiki fyrir aðalliðið, báða á útivelli í deildarbikarnum. Morton kom inná á 84. mínútu fyrir Thiago og óhætt er að segja að öll Morton fjölskyldan hafi verið stolt af stráknum.

Eftir leik var hann í viðtali við opinbera heimasíðu félagsins og átti erfitt með að hemja gleðina.

,,Eins og sést á andlitinu á mér, þá get ég ekki þurrkað brosið af!, sagði Morton. ,,Þetta er tilfinning sem er engri annari lík, sérstaklega þegar um er að ræða liðið sem maður hefur stutt alla ævi, eins og allir vita væntanlega. Verandi stuðningsmaður alla tíð og fá svo að stíga út á völlinn, mér leið hálf undarlega. En þetta er eitthvað sem mig langar til að upplifa aftur og ég ætla því að leggja hart að mér til að svo megi verða."

Fjölskylda Morton var á Anfield og gátu þar með orðið vitni að fyrsta deildarleik hans. Morton vissi auðvitað að hann þyrfti að vinna sína vinnu inná vellinum og lét nærveru fjölskyldunnar ekki á sig fá og einbeitti sér að leiknum.

,,Hugurinn fór bara á leikinn, ég var ekkert að hugsa um neitt annað. Ég vildi vera viss um að við myndum vinna leikinn, vildi vera viss um að ég myndi halda boltanum og gera allt það sem ég geri venjulega inná vellinum. Þetta fór allt samkvæmt áætlun þegar upp var staðið. Öll fjölskylda mín dreymdi um að spila fyrir Liverpool og nú hefur mér tekist það. Þau segja mér alla daga þegar ég fer á æfingu hversu stolt þau eru af mér. Mér leið mjög vel að gera þetta fyrir þau og minn besta vin einnig. Stjórinn og leikmennirnir sem ég er að æfa með eru auðvitað í heimsklassa, að fá að heyra hrós frá þeim eftir leik var stórkostlegt."

Morton var ánægður með þessar mínútur sem hann spilaði, það verður þétt spilað næstu vikur og hann gerir sér vonir um að fá fleiri mínútur.

,,Allt gekk vel og ég gat kannski ekki gert mjög mikið á tíu mínútum en ég reyndi að ná smá stjórn á leiknum. Þjálfarateymið sagði mér að reyna að stýra leiknum, róa hann aðeins niður, fá alla til að spila boltanum og sýna hvað í mér býr. Ég held nú að það hafi tekist að einhverju leyti. Mér finnst ég geta sýnt miklu meira og vonandi fæ ég tækifæri til að sýna það fljótt aftur."