Til hamingju!

Fabinho Tavarez lék sinn 150. leik fyrir Liverpool á San Siro gegn Inter Milan. Brasilíumaðurinn er algjör lykilmaður á miðjunni hjá Liverpool og einn sá allra besti í sinni stöðu. 


Liverpool keypti Brasilíumanninn frá franska liðinu Monaco sumarið 2018. Það tók hann nokkurn tíma að fóta sig í ensku knattspyrnunni. En eftir að hann var búinn að ná áttum varð hann lykilmaður aftast á miðjunni hjá Liverpool. Hann er einfaldlega einn af þeim allra bestu í sinni stöðu.


Á síðustu leiktíð sýndi hann fjölhæfni sína með að spila þó nokkuð sem miðvörður vegna forfalla miðvarða Liverpool. Hann var ekki síður góður í þeirri stöðu en á miðjunni. 

Fabinho hefur orðið Englands- og Evrópumeistari með Liverpool auk þess að vinna Stórbikar Evrópu og Heimsmeistari félagsliða. Hann varð franskur meistari með Monaco keppnistímabilið 2016/17.


Fabinho er nú kominn með 150 leiki. Hann hefur skorað níu mörk og lagt upp sjö. Sex af þessum níu mörkum hefur hann skorað á þessu keppnistímbili. 

Til hamingju með áfangann Fabinho!