Tileinkaði sigurinn þeim sem létust í Grikklandi

Kostas Tsimikas var ánægður með sigur Liverpool á Wolves. Hann tileinkaði sigurinn fólkinu sínu í Grikklandi en þar eiga margir um sárt að binda eftir hræðilegt lestarslys sem átti sér stað þriðjudaginn fyrir viku. Tvær járnbrautarlestir rákust saman með þeim afleiðingum að 57 manns létust. 

,,Skiljanlega langar mig til að tileinka þennan sigur fólkinu mínú heima í Grikklandi. Þar varð í gær slys þegar lestir rákust saman. Megi Guð gefa fjölskyldunum sem eiga um sárt að binda styrk. Megi þeir sem létust hvíla í friði."

Kostas kom inn í byrjunarlið Liverpool eftir nokkurt hlé. Hann spilaði vel og lagði upp seinna mark Liverpool fyrir Mohamed Salah.

,,Mér finnst mikilvægast í knattspyrnunni að vinna leiki þó maður sé ekki upp á sitt besta. Við áttum góða kafla í leiknum í dag. Þegar upp var staðið skoruðum við tvö mörk og náðum stigunum þremur. Ég er mjög ánægður með hvernig ég spilaði. Ég kom inn í liðið og fann að ég var tilbúinn í slaginn. Alla þá, sem spila ekki oft, hungrar í að spila."


Kostas Tsimikas er vel liðtækur. Hann er nú þegar búinn að eiga sex stoðsendingar það sem af er leiktíðarinnar.