Tyler Morton kominn í sumarfrí

Tyler Morton er kominn í sumarfrí eftir að hafa meiðst. Miðjumaðurinn efnilegi ristarbrotnaði um helgina og er nú kominn í sumarfrí.

Tyler er búinn að standa sig mjög vel með Blackburn Rovers á leiktíðinni. Hann fór í lán til liðsins fyrir leiktíðina og var búinn að spila 46 leiki í öllum keppnum þegar hann meiddist. Hann spilaði stórt hlutverk á miðjunni og átti fjórar stoðsendingar. Blackburn hefur verið í efri hluta deildarinnar og í baráttu um umspilssæti. 

Nú er að vona að Tyler nái sér fljótt og vel. Það er svo spurning hvort hann kemst nærri aðalliði Liverpool á næsta keppnistímabili. Leiða má líkum að því að Tyler hefði eitthvað spilað á miðjunni í aðalliði Liverpool á þessu tímabili ef hann hefði ekki verið lánaður. Hann er búinn að spila níu leiki fyrir hönd Liverpool.