Vil njóta þess að spila knattspyrnu

Joe Gomez hefur sjaldan verið í sviðsljósinu hjá Liverpool. Hann heldur bara sínu striki og gerir sitt besta. Meiðsli hafa oft valdið því að hann hefur misst af leikjum. Á þeim átta leiktíðum sem hann á að baki hefur hann aðeins þrívegis leikið fleiri en 30 leiki. 


Hann hefur spilað vel það sem af er þessu keppnistímabili. Joe stefnir á að ná góðu keppnistímabili. Allra helst vill hann þó njóta þess að spila knattspyrnu en það hefur stundum verið erfitt út af öllum meiðslunum. 

,,Ég reyni að vera eins góður og ég mögulega get. Mig langar að sýna stöðugleika, spila vel alla leiktíðina en mest af öllu langar mig til að njóta þess að spila knattspyrnu. Ég lít auðvitað svolítið öðruvísi á þetta allt út af öllum meiðslunum sem ég hef lent í. Ég stefni á að spila eins vel og ég get. Svo sé ég hvað það færir mér. Ég reyni að hafa stjórn á því sem hægt að hafa stjórn á. Stundum gefast tækifæri og svo gengur ekkert í annan tíma."

Það þarf enginn að efast um að Joe Gomez gerir sitt besta fyrir Liverpool. Um meira verður ekki beðið.